თავდასხმა მოხდა ჩეჩნეთში. პოლიციის შენობას უცნობი პირები თავს დაესხნენ. ამის შესახებ რუსული მედია წერს.
ისინი ცივი იარაღებით იყვნენ შეიარაღებულნი. დაიჭრა ორი პოლიციელი. სამართალდამცველებმა ცეცხლი გახსნეს. თავდამსხმელები ჩეჩნეთის შალის რაიონში შსს-ს ტერიტორიაზე შესვლას ცდილობდნენ.
სხვა დეტალები ჯერჯერობით უცნობია. გავრცელებული ინფორმაციით, ეს არ არის ერთადერთი თავდასხმა სამართალდამცველებზე ჩეჩნეთში. გროზნოში უცნობი პირი საგზაო პოლიციის თანამშრომელს ავტომობილით დაეჯახა. დაუზუსტებელი ინფორმაციის თანახმად, მანამდე მან პოლიციას ასაფეთქებელი მოწყობილობა ესროლა, მაგრამ არ აფეთქდა. თავდამსხმელი მოკლეს.
დღესვე ესპანეთში, კერძოდ კი ბარსელონაში, პოლიციის შენობაში ალჟირელი კაცი მოკლეს. ამის მიზეზი კი ისაა, რომ 29 წლის კაცი შენობაში შევარდა და ყვიროდა ფრაზას “დიდება ალაჰს.”