სულ მცირე ერთი ადამიანი დაიღუპა და 35 დაშავდა ფილიპინებზე აფეთქებისას. პოლიციის განმარტებით, 2 დაშავებულის ჯანმრთელობის მდგომარეობა მძიმეა. ამის შესახებ The New York Times-ი წერს.
აფეთქება ქვეყნის სამხრეთით, კუდარატის პროვინციაში, ქუჩის ფესტივალზე მაშინ მოხდა, როდესაც მოტოციკლზე დამონტაჟებული ასაფეთქებელი მოწყობილობა რესტორანთან ახლოს ამოქმედდა.
მომხდარზე პასუხისმგებლობა ჯერ არც ერთ ექსტრემისტულ დაჯგუფებას არ აუღია.
ივლისში ამავე პროვინციაში, სასაზღვრო გამშვებ პუნქტზე მომხდარ აფეთქებას 11 ადამიანი ემსხვერპლა. კუდარატის პროვინციაში რამდენიმე ტერორისტული დაჯგუფება მოქმედებს.
კომენტარები