ავღანეთში ტერორისტული დაჯგუფება “ჰაკანის ქსელის” ლიდერი დაიღუპა. საუბარია ჯალა-ლუდინ ჰაკანიზე, რომელიც შეერთებული შტატების ძებნილი ტერორისტების სიაში ერთ-ერთ პირველ პოზიციას იკავებდა.
“ჰაკანის ქსელი” რადიკალური ისლამისტური დაჯგუფებაა, რომელიც ავღანეთსა და პაკისტანში მოქმედებს და მჭიდროდ თანამშრომლობს ალ-ქაიდასთან, თალიბანთან და სხვა ექსტრემისტულ დაჯგუფებებთან.
მისი ლიდერის გარდაცვალების შესახებ ინფორმაცია 2015 წელს მედიაში გავრცელდა, თუმცა ეს ცნობა არ დადასტურდა.
გავრცელებული ინფორმაციით, ჰაკანის ქსელის დამაარსებელი ბოლო 10 წლის განმავლობაში პარალიზებული იყო. ამჯერად ჯალა-ლუდინ ჰაკანის დაღუპვას დაჯგუფება “თალიბანი” ადასტურებს.
კომენტარები