ნიგერიის შტატ კებბიში წყალდიდობის გამო, 10 ადამიანი დაიღუპა, ამის შესახებ ინფორმაციას Daily Post Nigeria ადგილობრივ მთავრობაზე დაყრდნობით ავრცელებს.
“ძლიერი წყალდიდობის შედეგად, რომელიც უწყვეტმა წვიმამ გამოიწვია, ერთი ჯარისკაცი და 9 რიგითი მოქალაქე დაიღუპა. შეტყობინებების მიხედვით, ჯარისკაცი სტიქიას მაშინ ემსხვერპლა, როდესაც ქალის გადარჩენას ცდილობდა”, – განაცხადა შტატის გუბერნატორის მოადგილემ, აბუბაკარ დაკინგარიმ.
წყალდიდობამ შტატში ბევრი საცხოვრებელი სახლი გაანადგურა და სასოფლო-სამეურნეო მოსავალიც დააზიანა.
კომენტარები