ესტონეთში რუსეთის სასარგებლოდ ჯაშუშობის ბრალდებით მამა-შვილი დააკავეს. პროკურატურის ცნობით, ერთ-ერთი ეჭვმიტანილი ქვეყნის შეიარაღებული ძალების ოფიცერია, რომელიც არმიაში 1998 წლიდან მსახურობდა.
დაკავებულებს ბრალად სახელმწიფო ღალატი, ჯაშუშობა და ბოლო 5 წლის განმავლობაში რუსეთის სამხედრო დაზვერვის სამსახურისთვის საიდუმლო ინფორმაციის მიწოდება ედებათ.
პროკურატურის ვერსიით, ცნობები ესტონეთის პარტნიორებს, სამხედრო ინფრასტრუქტურასა და მოკავშირეებთან თანამშრომლობას შეეხებოდა.
თავდაცვის სამინისტროში უკვე შეიქმნა ექსპერტთა ჯგუფი, რომელმაც დაკავებულების საქმიანობის მასშტაბი უნდა შეაფასოს.
კომენტარები