მას შემდეგ, რაც ქვეყნის მასშტაბით მარწყვში ნემსები აღმოაჩინეს, ავსტრალიის ხელისუფლება „სასურსათო ტერორიზმზე“ ალაპარაკდა და „ტერორისტის“ პოვნაზე ჯილდოდ 100 ათასი ავსტრალიური დოლარიც დააწესა.
დღეს კი ავსტრალიის პოლიციამ განაცხადა, რომ უკვე არსებობს ეჭვმიტანილი. ცნობილია, რომ ის არის მოზარდი, თუმცა მისი ვინაობა და ზუსტი ასაკი არ ხმაურდება. გამოძიება ისევ გრძელდება. არსებობს ეჭვი, რომ არასრულწლოვანი უფროს ბოროტმოქმედებს ბაძავდა.
ამასთან, პოლიციაში განმარტავენ, რომ მათ ბოლო რამდენიმე დღეში მარწყვში ნემსების პოვნის შემთხვევის შესახებ დაახლოებით 100 შეტყობინება მიიღეს. მათი უმრავლესობა ცრუ იყო. პოლიციამ მოქალაქეები ცრუ შეტყობინებების გამო პასუხისმგებლობაზე გააფრთხილა.
ავსტრიის პრემიერმინისტრმა, სკოტ მორისონმა „სასურსათო ტერორიზმი საბავშვო პორნოგრაფიის შენახვას და ტერორიზმის ფინანსურ მხარდაჭერას შეადარა. ამასთან მან პარლამენტს ასეთი დანაშაულისთვის სასჯელის გამკაცრება 10-დან 15 წლამდე მოსთხოვა.
ავსტრალიაში, ქუინსლენდში ბოლო რამდენიმე დღეა, მომხმარებლები 6 სხვადასხვა ბრენდის მარწყვში ნემსებსა და ქინძისთავებს პოულობენ. ხელისუფლებამ მომხმარებლებს მოუწოდა, ჭამამადე მარწყვი დაჭრან და კარგად შეამოწმონ.
იმედი ნიუსი