ბრიტანეთის პოლიციის კონტრტერორისტული დეპარტამენტისთვის, სკრიპალებზე თავდასხმაში მონაწილე მესამე პირის ვინაობა ცნობილია. ინფორმაციას ამის შესახებ ბრიტანული “ტელეგრაფი” ავრცელებს.
გამოცემის თანახმად, რუსეთის სადაზვერვო სამსახურის კიდევ ერთი ოფიცერი ქალაქ სოლსბერიში თავდასხმის მოსამზადებლად მანამდე ჩავიდა, სანამ მისი კოლეგები მომწამვლელი ნივთიერება ნოვიჩოკს ჩაიტანდნენ. სპეცსამსახურები მესამე ეჭვმიტანილის ვინაობა ჯერჯერობით არ ასაჯაროებენ.
პარალელურად, გამოცემა “ბელინგ-კეტის” ცნობით, სოლსბერის თავდასხმაში მეორე ეჭვმიტანილის, ალექსანდრე პეტროვის ნამდვილი ვინაობის შესახებ ინფორმაციას სააგენტო უახლოეს მომავალში გაავრცელებს.
კომენტარები