„დამნაშავეთა ადგილი ჩვენს რიგებში არ არის“, – ამ სიტყვებით ეხმაურება შსს ცენტრალური კრიმინალური პოლიციის დეპარტამენტის ორგანიზებული დანაშაულის წინააღმდეგ ბრძოლის მთავარი სამმართველოს უფროსი მამუკა ჭელიძე შინაგან საქმეთა სამინისტროს გენერალური ინსპექციის მიერ სამინისტროს ერთ-ერთი თანამშრომლის – გოგა გელაშვილს დაკავების ფაქტს. მისივე თქმით, შს სამინისტროს ერთ-ერთი მთავარი პრიორიტეტია დანაშაულთან ბრძოლა, მათ შორის, სისტემის შიგნითაც.
„გვინდა გამოვეხმაუროთ შინაგან საქმეთა სამინისტროს ცენტრალური კრიმინალური პოლიციის დეპარტამენტის ნარკოტიკების უკანონოდ ბრუნვის წინააღმდეგ ბრძოლის მთავარი სამმართველოს განყოფილების უფროსის მოადგილის დაკავების ფაქტს. ცნობისთვის, იგი შინაგან საქმეთა სამინისტროს გენერალურმა ინსპექციამ 2018 წლის 26 მაისს დააკავა. შინაგან საქმეთა სამინისტროს ერთ-ერთი მთავარი პრიორიტეტია დანაშაულთან ბრძოლა, მათ შორის, სისტემის შიგნითაც. საზოგადოებას არაერთი ფაქტი ახსოვს, როდესაც პოლიციელთა გადაცდომას მკაცრი სამართლებრივი პასუხიმგებლობა მოჰყვა შედეგად. სამინისტრო რეფორმირებისა და სისტემური განახლების პროცესშია, შესაბამისად, დამნაშავეთა ადგილი ჩვენს რიგებში არ არის“, – განაცხადა მამუკა ჭელიძემ.
მამუკა ჭელიძე: დამნაშავეთა ადგილი ჩვენს რიგებში არ არის
2018/09/29 18:03:10
კომენტარები
ნანახია: 1711 ჯერ