ინდონეზიაში მიწისძვრისა და ცუნამის შედეგად დაღუპულთა რიცხვმა 800-ს გადააჭარბა. სამაშველო სამსახურის ინფორმაციით, დაზარალებულ რეგიონებში უკვე 832 ცხედარია აღმოჩენილი. არ არის გამორიცხული გარდაცვლილთა რაოდენობა კიდევ გაიზარდოს, რადგან ეს მხოლოდ ერთი რეგიონის მონაცემებია. ინდონეზიის ვიცე პრეზიდენტის განცხადებით, დაღუპულთა რიცხვმა შესაძლოა რამდენიმე ათასს მიაღწიოს. სულავესის კუნძულზე 7 მთელი 5 მეათედი მაგნიტუდის ბიძგები პარასკევს დაფიქსირდა. ძლიერ მიწისძვრას ცუნამი მოჰყვა. ტალღების სიმაღლემ 6 მეტრს მიაღწია. დაზარალებულ რეგიონებში სამაშველო ოპერაცია უკვე მესამე დღეა უწყვეტ რეჟიმში მიმდინარეობს.
კომენტარები