ყოფილი პრემიერ-მინისტრის ვანო მერაბიშვილის სისხლის ნიმუშები შესაძლოა შემოწმების მიზნით საზღვარგარეთ გადაიგზავნოს – ამ მოთხოვნით იუსტიციის სამინისტრომ კლინიკა „მედიქლაბის“ ადმინისტრაციას მიმართა.
აღნიშნული ინფორმაცია იუსტიციის მინისტრმა თეა წულუკიანმა ჟურნალისტებთან საუბრისას გაახმოვანა.
„კლინიკა „მედიქლაბში“ შედგა მაღალკვალიფიციური, პროფესიონალი ექიმების კონსილიუმი, მათ აზრს მოვუსმინოთ ყველამ. მათი აზრი არის სრულიად საპირისპირო, რასაც ადვოკატები აცხადებდნენ, ექიმების განმარტებით არ არის დამბლური პროცესები და დამბლა, მათი განმარტებით სიმსივნური პროცესები გამორიცხულია. ასევე, ექიმების აზრით გამორიცხულია ინტოქსიკაცია ანუ მოწამვლა, მაგრამ ჩვენ მაინც მათ ვთხოვეთ, რომ საზღვარგარეთ გადაიგზავნოს სისხლის ნიმუშები, რათა საბოოლოდ გამოირიცხოს მოწამვლის თეორია, რომელიც ადვოკატებს აქვთ“, – განაცხადა იუსტიციის მინისტრმა თეა წულუკიანმა.
ყოფილმა პრემიერ-მინისტრმა ვანო მერაბიშვილმა, რომელიც სასჯელს სხვდასხვა დანაშაულებისთვის იხდის, კლინიკა „მედიქლაბი“ დღეს დატოვა. ექიმების კონსულიუმის შედეგად გაირკვა, რომ ვანო მერაბიშვილს ამ დროისთვის ჰორნერის სინდრომის დიაგნოზი დაუდგინეს. ამასთან, სიმსივნის დიაგნოზი გამოირიცხა და მისი მდგომარეობა სტაბილურია და შეშფოთების საფუძველი არ არსებობს.
ვანო მერაბიშვილის სისხლის ნიმუშები შესაძლოა, შემოწმების მიზნით საზღვარგარეთ გადაიგზავნოს
2018/10/04 13:26:56
კომენტარები
ნანახია: 927 ჯერ