„ქალაქი ნიუ-იორკი ბოლომდე იბრძოლებს რომ დაიბრუნოს ის ფული, რომელიც ნიუიორკელებს დონალდ ტრამპისგან ეკუთვნით“, – განაცხადა ქალაქის მერმა ბილ დე ბლასიომ. მერი ადასტურებს, რომ გავრცელებული ინფორმაცია ტრამპის მიერ გადასახადების გადაუხდელობის შესახებ სიმართლეა. ინფორმაცია ამის შესახებ .Fox News-მა გაავრცელა.
მიუხედავად იმისა, რომ გადასახადების დამალვის სავარაუდო ფაქტი 1990-იან წლებში მოხდა, ბილ დე ბლასიო ამბობს, რომ ამ ტიპის დანაშაულს ხანდაზმულობა არ აქვს.
არიდებდა თუ არა დონალდ ტრამპი და მისი ოჯახი თავს გადასახადებს – ამ საკითხით ნიუ-იორკის შტატის საგადასახადო სამსახური უკვე დაინტერესდა და მოკვლევა დაიწყო.
მიზეზი კი გაზეთ New York Times-ში გამოქვეყნებული ჟურნალისტური გამოძიება გახდა.
პრეზიდენტის ადვოკატმა ჩარლზ ჰარდერმა სტატიაში მოყვანილ ფაქტებს „100%-ით ყალბი“ უწოდა. თეთრი სახლის პრესმდივანმა სარა ჰაკაბი სანდერსმა გამოთქვა ვარაუდი, რომ გაზეთს ამ პუბლიკაციისთვის ბოდიშის მოხდა მოუწევს. თავის მხრივ ნიუ-იორკის შტატის საგადასახადო დეპარტამენტმა გამოძიებაში მოყვანილი ფაქტების შესწავლა დაიწყო. ამასთან, როგორც The New York Times-ი აღნიშნავს, ამ დანაშაულზე სისხლის სამართლებრივი დევნისათვის ხანდაზმულობის ვადა ამოწურულია, თუმცა საგადასახადო თაღლითობისთვის ჯარმის გადახდაზე ხანდაზმულობის ვადა არ მოქმედებს.