გერმანიის სასამართლომ განაჩენი გამოუტანა ცოლ-ქმარს, რომლებიც წლების განმავლობაში ქალებს იტყუებდნენ და შემდეგ მათ აწამებდნენ. სასამართლომ 48 წლის ვილფრიდს 11 წლით თავისუფლების აღკვეთა მიუსაჯა, ის ჯერ ფსიქიატრიულ დაწესებულებაში გადაიყვანეს, ხოლო 49 წლის ანგელიკა 13 წელს ციხეში გაატარებს. ინფორმაციას გერმანული მედია ავრცელებს.
საქმის მასალების თანახმად, ცოლ-ქმარი სხვადასხვა საშუალებებით განცხადებას: „ახალგაზრდა ფერმერი ეძებს მეუღლეს“ ავრცელებდა. განცხადებას დროდადრო სიყვარულის მაძიებელი ქალები ეხმაურებოდნენ, მათ კი ცოლ-ქმარი სახლში იტყუებდა, ატყვევებდა და აწამებდა.
გამოძიების ცნობით, წამების შედეგად ორი ქალი გარდაიცვალა, ერთი საავადმყოფოში დაიღუპა, ხოლო კიდევ ერთი ქალის ცხედარს ამ დრომდე ეძებენ. ბრალდება დაკავებულებისთვის უვადო პატიმრობას ითხოვდა.
იმედინიუსი