რუსეთში, იაკუტსკის აეროპორტში სამგზავრო თვითმფრინავი ავარიულად დაეშვა. ინციდენტის დროს დაშავდა ოთხი ადამიანი.
რუსული მედიის ინფორმაციით, დაშვებისას თვითმფრინავი დასაჯდომ ზოლს გასცდა, რის შემდეგაც მას შასი მოტყდა. შემთხვევის დროს თვითმფრინავის Sukhoi Superjet 100-ის ბორტზე 91 ადამიანი იმყოფებოდა, მათ შორის შვიდი ბავშვი და ეკიპაჟის ხუთი წევრი.
მომხდარის გამო აეროპორტი დროებით დაიკეტა. დაწყებულია გამოძიება საჰაერო ტრანსპორტის უსაფრთხოების წესების დარღვევის მუხლით.
კომენტარები