რესპუბლიკური პარტიის ერთ-ერთი ლიდერი დავით ბერძენიშვილი აცხადებს, რომ თუ საქართველოს პრემიერ-მინისტრ გიორგი კვირიკაშვილს პარტია ქართული ოცნების განახლება სურს, თამაზ მეჭიაური პარტიიდან უნდა გარიცხოს.
ბატონამ მეჭიაურმა მყისიერად დაუჭირა მხარი რუსეთის საგარეო საქმეთა მინისტრ სერგეი ლავროვს, რომელმაც რესპუბლიკელი პარლამენტის თავმჯდომარე გააკრიტიკა. რამდენიმე დღის წინ მეჭიაური ოპერატიულად გამოეხმუარა ლავროვს და რესპუბლიკელი თავდაცვის მინისტრი სამხედრო წვრთნებისთვის, რომელშიც ამერიკელებიც მონაწილეობდნენ, ძალიან მკვახედ, მკაფიოდ და სახიფათოდ გააკრიტიკა, ბრალი
დასდო მას ამერიკელებთან ერთად მოწყობლი პროვოკაციაში, რომელსაც რუსეთის გაღიზიანება შეიძლება მოყვეს. პირველი შემთხვევა არ არის, როდესაც მეჭიაური ანტირესპუბლიკურ, საგარეო კურსის საწინააღმდეგო განცხადებებს აკეთებს. თოფაძის შემთხვევაც შეგვიძლია გავიხსენოთ, ჯაჭვლიანმაც დღეს ღიად დაუჭირა მხარი მეჭიაურს, – განაცხადა დავით ბერძენიშილმა.
დეპუტატი აცხადებს, რომ ქართული ოცნების ლიდერების დუმილი და განცხადება, რომ ეს მეჭიაურის პირადი აზრია, მიუღებელია.
საპარლამენტო უმრავლესობის ლიდერი რამდენიმე დღეა, დუმს. პირველი ვიცე-სპიკერი მანანა კობახიძე, ეკა ბესელია, ანუ პარტია ქართული ოცნების ლიდერები წამყვანი ფიგურები, ამბობენ, რომ ეს მეჭიაურის აზრია და მეჭიაურს ისინი არ ემიჯნებიან და მკვეთრად პასუხს არ თხოვენ. ამას მიხვდა, როგორც გოგი თოფაძის შემთხვევაში, ამჟამადაც, დაანონსებული ლიდერი, სამომავლო ლიდერი. გახდება თუ არა და ვისი ლიდერი გახდება, ლიდერი იქნება თუ მძევალი ქართული ოცნების, ეს რამდენიმე დღეში გამოჩნდება. მე ვგულისხმობ გიორგი კვირიკაშვილს, როდესაც თოფაძემ შეუტია თავდაცვის მინისტრ თინა ხიდაშელს, ჯერ დაიცვა რესპუბლიკელი მინისტრი, შემდეგ საყვედური უთხრა კვირიკაშვილმა. რამდენიმე დღის დუმილის შემდეგ რესპუბლიკელმა მინისტრმა პაატა ზაქარეიშვილმა თქვა, რომ მას მეჭიაურის განცხადება კი არ აკვირვებს, არამედ პარტია ქართული ოცნების დუმილი. დღეს გამოეხმუარა ამას კვირიკაშვილი. მას ძალიან არ მოწონს მისი რესპუბლიკელი მინისტრის, პაატა ზაქარეიშვილის ეს განცხადება და რა შუაშია მთავრობის კრიტიკა. მთავრობა არ უხსენებია ზაქარეიშვილს. ყველა უნდა ვიყოთ პოლიტიკურად კორექტული, მათ შორის ისინიც, ვისაც შეძალოა, შესაბამისი პოლიტიკური გამოცდილება აკლია. რესპუბლიკელმა მინისტრმა პაატა ზაქარეიშვილმა ძალიან მოზომილად გააკრიტიკა პარტია ქართული ოცნება და თქვა, რატომ დუმს ქართული ოცნება, – განაცხადა ბერძენიშვილლმა.
მისი თქმით, თუ კვირიკაშვილს თუ აქვს სურვილი, რომ განაახლოს ქართული ოცნება, ფორმალურად კი არ უნდა ემიჯნებოდეს მეჭიაურს, ის გარიცხული უნდა იყოს ქართული ოცნებიდან.
ამასთან, ბერძენიშვილის თქმით, თოფაძე კოალიციიდან გარიცხული უნდა ყოფილიყო.
საქართველოს ევროატლანტიკურ კურსზე შეტევის, სტალინისტობის დემონსტრირებით, კანონით დარღვევებით გარიცხული უნდა იყოს კოალიციიდან და არა – ხელგადასმული,-აღნიშნა დავით ბერძენიშვილმა.