რუსეთის პრეზიდენტმა ქერჩის სრუტეში განვითარებული მოვლენები გერმანიის კანცლერთან სატელეფონო საუბარში განიხილა. ამის შესახებ რუსული მედია წერს.
ვლადიმერ პუტინმა უკრაინული მხარის ქმედებებს პროვოკაციული და საერთაშორისო უფლებების დარღვევა უწოდა.
საუბრისას პოლიტიკოსებმა უკრაინაში სამხედრო მდგომარეობის გამოცხადების შესახებ შეშფოთება გამოხატეს. ამასთან, პუტინი იმედოვნებს, რომ ბერლინი კიევზე გავლენას მოახდენს, რათა ამ უკანასკნელმა გაუაზრებელი ნაბიჯები არ გადადგას.
25 ნოემბერს გამთენიისას, ქერჩის სრუტეში რუსეთის საზღვაო ძალებმა სამი უკრაინული გემი დააკავეს. რუსეთის სასაზღვრო სამსახურმა უკრაინელი მეზღვაურები საზღვრის უკანონო გადაკვეთაში დაადანაშაულა, ხოლო უკრაინამ რუსეთის მოქმედებას აგრესიის აქტი უწოდა.
26 ნოემბერს უკრაინის რადამ რუსეთთან მოსაზღვრე რეგიონებში საგანგებო მდგომარეობა გამოაცხადა.