“უახლოეს პლენარულ სხდომაზე, პარლამენტი ქალბატონ სალომეს პარლამენტის წევრის უფლებამოსილებას შეუწყვეტს”

საპროცედურო საკითხთა და წესების კომიტეტის თავმჯდომარემ, გიორგი კახიანმა სალომე ზურაბიშვილის სტატუსზე საუბრისას აღნიშნა, რომ უახლოეს მომავალში პარლამენტი მას პარლამენტის წევრის უფლებამოსილებას შეუწყვეტს. როგორც მან აღნიშნა, ამ შემთხვევაში კანონი არ დარღვეულა.
„მას შემდგომ, რაც ქალბატონი სალომე გახდა საქართველოს პრეზიდენტი, პარლამენტში დაიწყო აღნიშნული პროცედურა. ჩატარდება საპროცედურო საკითხთა და წესების კომიტეტის სხდომა, რომელიც შეიმუშავებს შესაბამის დასკვნას და უკვე უახლოეს პლენარულ სხდომაზე, პარლამენტი ქალბატონ სალომეს პარლამენტის წევრის უფლებამოსილებას შეუწყვეტს. მსგავსი პროცედურა ამ მოწვევის პარლამენტშიც ყოფილა და მით უმეტეს, წინა მოწვევის პარლამენტშიც არაერთხელ მომხდარა. თუ ვინმე თვლის, რომ კანონმდებლობა არის დარღვეული, უბრალოდ მან არ იცის კარგად კანონმდებლობა“,- განაცხადა გიორგი კახიანმა.