ვაშინგტონის გენერალური პროკურორი Facebook-ს Cambridge Analytica-სთან დაკავშირებული სკანდალის გამო უჩივის. ინფორმაციას პროკურორის კომუნიკაციების ოფისი ავრცელებს. მომხდარს კარლ რასინი მიკრობლოგ Twitter-ზე გამოეხმაურა.
Facebook-ის წინააღმდეგ საქმის აღძვრის მიზანი იმ გარანტიების აღდგენაა, რომელსაც სოცქსელი თავდაპირველად მომხმარებლებს დაჰპირდა.
AG Karl A. Racine✔@AGKarlRacine
#BREAKING: Today I sued Facebook for failing to protect the privacy of millions of its users and deceiving them about who had access to their data and how it was used: http://bit.ly/2UYhIpa
როგორც კარლ რასინი Twitter-ზე წერს, დროა Facebook-მა გაიხსენოს დანაპირები და თითოეული მომხმარებლის პირადი ინფორმაცია გარეშე პირებისგან დაიცვას.
„საქმის აღძვრის მიზანი Facebook-ისთვის იმ პირობის ერთგვარი შეხვენებაა, რომელიც მომხმარებლების პირადი ინფორმაციის დაცვას გულისხმობს“, – წერს კარლ რასინი მიკრობლოგზე.
AG Karl A. Racine✔@AGKarlRacine
Today’s lawsuit is about making Facebook live up to its promise to protect its users’ privacy.
We are seeking an injunction to ensure Facebook puts safeguards in place to monitor users’ data and to make it easier for users to control their privacy settings.
ვაშინგტონის გენერალური პროკურორი Facebook-ის მომხმარებლებს რეკომენდაციასაც აძლევს და ერთგვარ ინსტრუქციას სთავაზობს თუ როგორ უნდა დაიცვან სოცქსელის მომხმარებლებმა პირადი ინფორმაცია Facebook-ზე.
მანამდე გავლენიანმა ამერიკულმა გამოცემამ ჩაატარა გამოძიება და გაამხილა ახალი დეტალები იმის შესახებ, თუ როგორ აძლევდა წვდომას Facebook-ი სხვა ტექნოლოგიურ კომპანიებს მომხმარებლების ექაუნთებზე. გაირკვა, რომ Facebook-მა ტექნოლოგიურ გიგანტებს მომხმარებლების პირად გზავნილებზეც წვდომა მისცა.
Facebook-ის 14 წლიან ისტორიაში სოციალური ქსელი არაერთი გამოწვევის წინაშე დადგა. მათ შორის ყველაზე რეზონანსული Cambridge Analytica-სთან დაკავშირებული ისტორია იყო. ამ კომპანიამ არალეგალურად მიიღო წვდომა სოცქსელის 87 მილიონი მომხმარებლის მონაცემებზე, რომ ის პოლიტიკური რეკლამისთვის გამოეყენებინა.
იმედინიუსი