სალომე სამადაშვილს აუცილებლად ვუჩივლებ, – ამის შესახებ პარლამენტის იურიდიულ საკითხთა კომიტეტის თავმჯდომარე ეკა ბესელიამ განაცხადა. ინფორმაციას 1tv.ge ავრცელებს.
“ამას აუცილებლად გავაკეთებ, რადგან ასეთ ფაქტებს რეაგირების გარეშე არ ვტოვებ. მე მას პასუხის ღირსად არ ვთლი და პასუხს სხვაგვარად, სამართლებრივი ფორმით გავცემ“, – განაცხადა ბესელიამ. როგორც ეკა ბესელიამ აღნიშნა, ყველაზე ხელშეუხებელი თემა ოჯახის წევრებია და ის, რაც სალომე სამადაშვილმა იკადრა, ძალიან სამარცხვინოა.
მანამდე სალომე სამადაშვილმა თქვა, რომ ეკ ბესელიამ თავის დედას გვარი შეუცვალა, რათა “ნაყაჩაღარი ქონება”გადაემალა.
“ამაზე კომენტარი არ გამიკეთებია. მინდა, ბოდიში საჯაროდ მოვუხადო დედაჩემს, რომელსაც გული სრულიად დაუმსახურებლად ეტკინა. ჩემი პოლიტიკური აქტივობის გამო, ჩემს ოჯახს ეს ტკივილი ბევრჯერ მიადგა და ერთ-ერთი ეს შემთხვევაც არის“, – განაცხადა ბესელიამ.