დიმიტრი ქუმსიშვილი – პროკურატურასთან ერთხელ მქონდა კომუნიკაცია, დღეს ეს თემა აქტუალური არ არის

„პროკურატურასთან ერთხელ მქონდა კომუნიკაცია, ივნისის ბოლოს, დღეს ეს თემა აქტუალური არ არის, – ამის შესახებ ეკონომიკისა და მდგრადი განვითარების ყოფილმა მინისტრმა დიმიტრი ქუმსიშვილმა განაცხდა.
როგორც ქუმსიშვილმა ჟურნალისტებთან საუბრისას განმარტა, პროკურატურას მასთან კითხვები არც პროგრამა „აწარმოე საქართველოსთან“ და არც სტარტაპებთან დაკავშირებით არ ჰქონია.
„ერთხელ მქონდა კომუნიკაცია და ამის შესახებ ყველამ იცით. ეს იყო ივნისის ბოლოს. დღეს არ არის თემა აქტუალური და ჩემი გადმოსახედიდან, არც მაშინ უნდა ყოფილიყო. პროგრამებთან დაკავშირებით არც მაშინ ყოფილა კითხვები და არც დღეს არ არის.
დარწმუნებული ვარ, პროგრამები მათ შორის „აწარმოე საქართველოში“ არის ერთ-ერთი წარმატებული და სწორი პროგრამა. სტარტაპებზე საერთოდ არ ყოფილა არანაირი კითხვები, არც „აწარმოე საქართველოს“ მიმართ“, – განაცხადა ქუმსიშვილმა.