ლევან ყიფიანთან დაკავშირებით დიდი ხნის წინ მივმართე სარჩელით პროკურატურას, – ამის შესახებ ეკონომიკის ყოფილმა მინისტრმა, „სინერჯი კაპიტალის” თანადირექტორმა, დიმიტრი ქუმსიშვილმა განაცხადა.
ქუმსიშვილი ამბობს, რომ ლევან ყიფიანის საქმეზე შემხებლობა არ აქვს და მის სიმართლეს აუცილებლად დაამტკიცებს. ასე უპასუხა ქუმსიშვილმა ჟურნალისტის მიერ დასმულ კითხვას, თუ რას გეგმავს ყიფიანთან დაკავშირებით.
„ლევან ყიფიანთან დაკავშირებით დიდი ხნის წინ მივმართე სარჩელით პროკურატურას. ჩემი მიზანია, რომ დადგინდეს ჭეშმარიტება. თუ იქ გამოძიება დაადგენს, რომ რაღაცა ხდებოდა, ეს უნდა დადგინდეს. მე ზუსტად ვიცი, რომ ამ საკითხთან დაკავშირებით შემხებლობა არ მაქვს და აუცილებლად დავამტკიცებ ჩემს სიმართლეს”, – განაცხადა ქუმსიშვილმა.
კომენტარები