თბილისის მერმა კახა კალაძემ ოპოზიციონერი დეპუტატის, ირაკლი ნადირაძის მიერ ღამის ეკონომიკასთან დაკავშირებით გაკეთებულ განცხადებას უპასუხა. კახა კალაძის თქმით, მისთვის მიღებელია ნადირაძის მიერ ღამის ეკონომიკისა და ნარკოტიკების ერთმანეთთან დაკავშირება.
„ნადირაძემ ღამის ეკონომიკა პირდაპირ ნარკოტიკებს დაუკავშირა, რაც ჩემთვის კატეგორიულად მიუღებელია და დარწმუნებული ვარ, თითოეული ჩვენგანისთვის, განურჩევლად პარტიული კუთვნილებისა. ნარკოტიკები რომ ცუდია, ჩვენ ყველამ ერთად უნდა ვიმუშაოთ და ვებრძოლოთ ამ მიმართულებას.
ყველამ ერთად უნდა ავუხსნათ ჩვენს შვილებს, მომავალ თაობას, რამდენად ცუდია ნარკოტიკების ზემოქმედება. ყველაფერი უნდა გავაკეთოთ, რომ შთავაგონოთ, რამდენად მნიშვნელოვანია ჯანსაღი ცხოვრების წესი და სწორად ცხოვრება.
რა თქმა უნდა, ღამის ეკონომიკა განვითარდება, ის კლუბებიც განვითარდება, რომლებიც ელექტრონული მუსიკით არიან დაინტერესებული. პირველი, სწორედ ეს კლუბები არიან დაინტერესებული, რომ რაც შეიძლება მეტად ჯანსაღი ცხოვრების წესი დაინერგოს, მეტი ახალგაზრდა იყოს ჩართული. არა ნარკოტიკს“, – განაცხადა კახა კალაძემ.