პარლამენტის ვიცე-სპიკერის გია ვოლსკის განცხადებით, პარლამენტის თბილისში გადატანა ქუთაისისთვის დანაკლისი არ იქნება.
„ეს ქალაქისთვის არ იქნება დანაკლისი. რაც ჩვენ გვაწუხებდა, ამ შენობის ფუნქცია აბსოლუტურად გაურკვეველი იყო და ახლა გარკვეულია, ამ საგანმანათლებლო ცენტრის შექმნის კონტურები ჯერჯერობით ძალიან ფერმკრთალი იყო, ახლა ერთი საკითხიც და მეორეც გადაწყვეტილია. ვფიქრობ, ქუთაისი ახალ სიცოცხლესაც შეიძენს და განვითარების ინტენსივობა იქნება თვალსაჩინო. საგანმანათლებლო ცენტრი იქნება არა მარტო საქართველოსთვის, არამედ რეგიონისთვის. ტექნოლოგიური ცენტრი თანამედროვე, 21-ე საუკუნეში ძალიან მნიშვნელოვანია. გარდა ამისა, არ დაგვავიწყდეს, რომ სატრანსპორტო ცენტრიც არის, რომელიც ასევე მნიშვნელოვანწილად გაფართოვდება. ასე, რომ პერსპექტივაში ქუთაისს ვხედავ, როგორც გაცილებით ძლიერად ფეხზე მდგომ ქალაქს“, – განაცხადა ვოლსკიმ.