პოლონეთში ხუთი თინეიჯერი გოგო ხანძარს ემსხვერპლა. უბედური შემთხვევა ქვეყნის ჩრდილოეთით მდებარე ქალაქ კოშალინში, ერთ-ერთი სათავგადასავლო თამაშის (Escape room) დროს მოხდა. ამის შესახებ BBC წერს.
გამოცემის ინფორმაციით, ხანძრის გამომწვევი მიზეზი ჯერ უცნობია. 15 წლის ხუთივე გოგო, რომელიც გასართობ ცენტრს მეგობრის დაბადების დღეზე სტუმრობდა, ადგილზე დაიღუპა.
Escape room-ი სათავგადასავლო ინტელექტუალური თამაშია, სადაც მონაწილეები ოთახში არიან ჩაკეტილები. სივრციდან გამოსაღწევად კი გონებამახვილური მინიშნებები უნდა გამოიცნონ.
კომენტარები