„დაველოდოთ, რა შედეგი დადგება. მე მჯერა, შედეგი იქნება სამართლიანი და ობიექტური“, – ამის შესახებ საპარლამენტო უმრავლესობის წევრმა დიმიტრი ხუნდაძემ იურიდიულ საკითხთა კომიტეტში მიმდინარე მოვლენებზე საუბრისას განაცხადა.
„უმჯობესია, ეკა ბესელიას დაველოდოთ. მას საკუთარი არგუმენტები ექნება იმის საპირისპიროდ, რომ რეგლამენტი დაირღვა. სწორედ ამიტომ ფრაქციამ გაიწვია კომიტეტის თავმჯდომარის მიერ წარდგენილი პირველი მოადგილე. არგუმენტების ჭიდილი იქნება. ვფიქრობ, რომ ამაში არაფერია საგანგაშო, საჭიროა გარკვევა და ორივე მხრიდან არგუმენტების მოსმენა. საბოლოოო შედეგი დადგება ის, რაც იქნება ობიექტური და სამართლიანი“, – განაცხადა ხუნდაძემ.
შეგახსენებთ, რომ ეკა ბესელია ამჟამად ლონდონში იმყოფება. ის საქართველოში 6 იანვარს დაბრუნდება.
კომენტარები