მაკედონიასთან ქვეყნის სახელწოდებასთან დაკავშირებით მიღწეული შეთანხმების გამო, საბერძნეთის მმართველი კოალიცია დაშლის საფრთხის წინაშე აღმოჩნდა.
თანამდებობიდან გადადგა საბერძნეთის თავდაცვის მინისტრი. მისი განცხადებით, მთავრობის შემადგენლობას მისი პარტიის სხვა წარმომადგენლებიც დატოვებენ.
პანოს კამენოსის თქმით, მეზობელი ქვეყნის სახელწოდებაში სიტყვა მაკედონიის დარჩენას მისი გუნდი კატეგორიულად ეწინააღმდეგება.
გადადგომის შესახებ მიღებული გადაწყვეტილების გამო, საბერძნეთის პრემიერ-მინისტრმა, ალექსის ციპრასმა მომავალ კვირაში მთავრობის ნდობის საკითხზე პარლამენტში კენჭისყრის ჩატარება მოითხოვა.
კომენტარები