პარლამენტის თავდაცვისა და უშიშროების კომიტეტის თავმჯდომარე, ირაკლი სესიაშვილიგერმანიის ფედერაციული რესპუბლიკის ახალდანიშნულ საგანგებო და სრულუფლებიან ელჩს, ჰუბერტ ქნირშს შეხვდა.
გაცნობითი ხასიათის შეხვედრაზე კომიტეტის თავმჯდომარემ გერმანელ დიპლომატს საქართველოში ელჩად დანიშვნა მიულოცა და სამომავლო საქმიანობაში წარმატებები უსურვა.
„გერმანიასთან პოლიტიკური და კულტურული მიმართულებით გამორჩეული ურთიერთობები გვაქვს. ჩვენი ევროპული და ევროატლანტიკური ინტეგრაციის პროცესში გერმანიას პოზიციას წამყვანი მნიშვნელობა აქვს. ჩვენ სახელმწიფო ინტერესების გამოკვეთილი და აქტიური ლობირებისთვის, რომელიც როგორც არაღიარების პოლიტიკას და ოკუპირებულ ტერიტორიებზე სამშვიდობო პროცესებს, ასევე საქართველოში მიმდინარე რეფორმების მხარდაჭერას შეეხება, ბატონ ელჩს მადლობა გადავუხადე და საქართველო-გერმანიას შორის თანამშრომლობის გაღრმავების პროცესში წარმატებები ვუსურვე“, – განაცხადა ირაკლი სესიაშვილმა შეხვედრის დასრულების შემდეგ.