მექსიკაში ნავთობსადენზე მომხდარი აფეთქების შედეგად დაღუპულთა რიცხვი 109-მდე გაიზარდა. ამის შესახებ NBC იუწყება.
მანამდე ინფორმაცია 91 დაღუპულის შესახებ ვრცელდებოდა. მექსიკის ჯანდაცვის მინისტრის განცხადებით, 40 დაშავებული ამ დრომდე საავადმყოფოში რჩება.
პირველადი ვერსიით, აფეთქების მიზეზი საწვავის უკანონოდ მითვისების მიზნით მილსადენის გახვრეტა გახდა. აფეთქების დროს ასობით მოქალაქე ნავთობსადენთან საწვავის წასაღებად თუნუქის ავზებით იყო მისული. ნავთობის უკანონო მოპოვების გამო, მექსიკის ბიუჯეტი ყოველწლიურად სამ მილიარდ დოლარზე მეტს კარგავს.
გაზსადენს ცეცხლი ორ სხვადასხვა ადგილას -კერეტაროსა და იდალგოს შტატში გაუჩნდა.
კომენტარები