ვენესუელის თვითგამოცხადებული პრეზიდენტი ქვეყნის ყოფილ მმართველთან მოლაპარაკებებს არ აპირებს. ამ წინადადებით ხუან გუაიდოს თავად ნიკოლას მადურომ მიმართა, თუმცა უარი მიიღო.
გუაიდოს თქმით, ის ყალბ დიალოგს არასდროს დასთანხმდება.
ვენესუელაში განვითარებულ მოვლენებთან დაკავშირებით დღეს გაეროს უშიშროების საბჭოს საგანგებო სხდომა გაიმართება.
კრიზისის მოგვარების მიზნით, შეერთებული შტატების სახელმწიფო მდივანმა ვენესუელაში სპეცწარმომადგენელიც დანიშნა. უწყებამ უსაფრთხოების ზომებიდან გამომდინარე ამერიკის მოქალაქეებს ქვეყნის დატოვებისკენაც მოუწოდა.
გავრცელებული ცნობით, ოფიციალურმა მოსკოვმა კი ნიკოლას მადუროს დასაცავად ვენესუელაში რუსი სამხედრო კონტრაქტორები საიდუმლოდ გაგზავნა.
კომენტარები