რუსი პოლიტოლოგი და ტელეკომპანია „ენ-ტე-ვეს“ თანადამფუძნებელი იგორ მალაშენკო ესპანეთში გარდაცვლილი იპოვეს. ამის შესახებ რუსული მედია იუწყება. ყოფილი მედიამენეჯერი 64 წლის იყო.
ზოგიერთი მონაცემებით, მან სიცოცხლე თვითმკვლელობით დაასრულა. თუმცა, ეს ინფორმაცია ოფიციალურად ჯერ არ დასტურდება. მალაშენკოს თვითმკვლელობის შესახებ სოციალურ ქსელში ტელეწამყვანმა ქსენია სობჩაკმა დაწერა, რომლის საარჩევნო შტაბს გასულ წელს, სწორედ მალაშენკო ხელმძღვანელობდა.
ტელეკომპანია „ენ-ტე-ვეს“ გენერალური დირექტორის თანამდებობას იგორ მალაშენკო 1993-97 წლებში იკავებდა, 1996 წელს კი ბორის ელცინის საპრეზიდენტო კამპანიაში მონაწილეობდა. ეკავა ასევე ტელეკომპანია „RTVi“-ს გენერალური დირექტორის თანამდებობაც.
წყარო: – interpressnews.ge
კომენტარები