BBC -ს ინფორმაციით, ნიგერიის ერთ-ერთ დიდ ქალაქში, ლაგოსში სკოლის ჩამონგრევის შედეგად ბოლო მონაცემებით, სულ მცირე 10 ადამიანი დაიღუპა.
მანამდე ვრცელდებოდა ინფორმაცია, რომ ნანგრევებში 100-მდე ადამიანია მოყოლილი.
მედიის ცნობით, მაშველებმა 40 მოსწავლე გადაარჩინეს. შემთხვევის ადგილზე სამძებრო-სამაშველო სამუშაოები ამ დრომდე მიმდინარეობს.
ნიგერიაში შენობების ჩამონგრევის შემთხვევები არც ისე იშვიათია. ამის მიზეზი კი მშენებლობის პროცესთან დაკავშირებით ქვეყანაში არსებული დაბალი მოთხოვნებია.
კომენტარები