ჩემთვის საოცარია „ნაციონალური მოძრაობის“ რეიტინგი, რომელიც პრაქტიკულად ნულთან ძალიან ახლოს არის, – ამის შესახებ დედაქალაქის მერმა NDI-ს კვლევების შეფასებისას განაცხადა.
დავით ნარმანიას თქმით, ამომრჩეველი 8 ოქტომბერს „საქმის მკეთებელი გუნდის მიმართ“ შესაბამის გადაწყვეტილებას მიიღებს.
„იმ ადამიანებს, რომლებსაც ჯერ კიდევ არ გადაუწყვეტიათ, ვის მისცენ ხმა, დარწმუნებული ვარ, ისინი ჩვენი გუნდის მხარდამჭერები არიან. უბრალოდ, არსებობს ადამიანების კატეგორია, რომლებიც გამოკითხვის დროს არ ასახელებენ, ვის მიმართ აქვთ სიმპათია. ვიცი, რომ საქმის მკეთებელი გუნდის მიმართ სიმპათია გააჩნიათ და 8 ოქტომბერს შესაბამის გადაწყვეტილებას მიიღებენ“, – განაცხადა დავით ნარმანიამ.
კომენტარები