ირანელმა კაცმა ცოლის ოჯახის 7 წევრი დახოცა. მოკლულია ხუთი კაცი და ორი ქალი. შემთხვევა ქვეყნის სამხრეთ-დასავლეთში მდებარე ქალაქ დეზფულში მოხდა. ინფორმაციას “რადიო თავისუფლება” ავრცელებს.
ამავე ცნობით, თავდამსხმელი შეიარაღებული იყო კალაშნიკოვის მარკის ავტომატით, რომლითაც შემდეგ თავის მოკვლას შეეცადა, თუმცა გადარჩა. ავტომატური ცეცხლსასროლი იარაღით ჩადენილი დანაშაული იშვიათობაა ირანში, სადაც მოქალქეებს მხოლოდ სანადირო თოფზე ლიცენზიის აღება შეუძლიათ.
2017 წელს კაცმა შურისძიების მიზნით ხუთი ადამიანი მოკლა ქალაქ არაკში. უფრო ადრე იყო შემთხვევა, როდესაც კაცმა 10 ნათესავი დახოცა ირანის ერთ-ერთ სოფელში.
კომენტარები