კახეთში, მშენებარე ობიექტზე დაშავებული ოთხი მუშა ამ დრომდე თელავის რეფერალურ და ყამბარაშვილის სახელობის კლინიკებში რჩება. მათ ქირურგიული ჩარევა არ დასჭირდათ, თუმცა სხეულზე მიყენებული სხვადასხვა სახის დაზიანების გამო ისინი კლინიკაში კიდევ რამდენიმე დღე დარჩებიან.
ექიმების თქმით, დაშავებულებს თავის ტვინის, სხეულის დაჟეჟილობები და მოტეხილობები აღენიშნებათ, თუმცა მათ სიცოცხლეს საფრთხე არ ემუქრება. დაშავებულების ჯანმრთელობის მდგომარეობა სტაბილურად მძიმეა.
ოთხივე მუშა გუშინ კახეთის გუბერნატორის პირველმა მოადგილემ საავადმყოფოში მოინახულა.
ოთხი მუშა ბეტონის კონსტრუქციის ჩამონგრევის დროს გუშინ დაშავდა. შემთხვევა კომპანია ,,ვინოტელის” სასტუმროს მშენებლობაზე მოხდა.
საქმეზე გამოძიება 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევა.