საუდის არაბეთიდან გაქცეული დები გაერო-ს ლტოლვილთა სააგენტოსგან დაცვას ითხოვენ. როგორც დები მაჰა და ვაფა ალ-სუბაიებისოციალურ ქსელ „ტვიტერში“ წერენ, ამჟამად ისინი საქართველოში იმყოფებიან.
მაჰა და ვაფა ალ-სუბაიები „ტვიტერში“ ვიდეომიმართვასა და თავიანთი პასპორტების ფოტოებსაც აქვეყნებენ.
„ჩვენ საუდელი დები ვართ, ჩემი სახელია მაჰადა ჩემი დის – ვაფა. ჩვენ საფრთხეში ვართ, თქვენი მხარდაჭერა გვჭირდება, რათა ჩვენი ხმა მივაწვდინოთ. ჩვენ გვინდა ქვეყანა, რომელიც მიგვიღებს და დაიცვას ჩვენს უფლებებს. გთხოვთ, დაგვეხმარეთ. საუდის არაბეთის მთავრობამ გააუქმა ჩვენი პასპორტები. ჩვენ ახლა საქართველოში ვართ“, – წერენ დები.
როგორც სოციალურ ქსელ „ტვიტერში“ შექმნილ ანგარიშში ისინი აღნიშნავენ, საქართველოში დების საძებნად მათი მამა და ძმები ჩამოვიდნენ.
„მამაჩემი და ძმები ჩამოვიდნენ საქართველოში და ისინი ჩვენ გვეძებენ. ჩვენ ოჯახის მხრიდან ჩაგვრას გავექეცით, რადგან საუდის არაბეთში კანონი ზედმეტად სუსტია ჩვენს დასაცავად. გვჭირდება გაერო-ს ლტოლვილთა სააგენტოს დაცვა იმისთვის, რომ უსაფრთხო ქვეყანაში წაგვიყვანონ. გთხოვთ, დაგვეხმარეთ გადარჩენაში“, – წერენ საუდის არაბეთიდან გაქცეული დები.
georgia sisters@GeorgiaSisters#SaudSistersRescue
we are two Saudi sisters who fled from Saudi Arabia seeking asylum. Yet, the family and the Saudi government have suspended our passports and now we are trapped in Georgia country. We need your help please.