თქვენ მოგეცათ ერთი წლის ვადა , რომ გაგესაჩივრებინათ სულხან მოლაშვილის საქმეზე ჩემს მიერ გამოტანილი გადაწყვეტილება, რომელიც არ გაასაჩივრეთ, – ამის შესახებ ლევან მურუსიძემ ტელეკომპანია ,,იმედის” პირდაპირ ეთერში შალვა შავგულიძესთან დებატებისას განაცხადა.
მურუსიძემ სულხან მოლაშვილის წამების ფაქტსა და გიგა ბოკერიას შორის კავშირზე ისაუბრა.
„მე ამოვწიე გარკვეული მასალები სადაც ბატონი სულხან მოლაშვილი აცხადებდა , რომ მის მიმართ ციხეში განხორციელდა წამება და ამ წამების საქმეში გიგა ბოკერიას ადებდა ხელს“ – განაცხადა ლევან მურუსიძემ.
მურუსიძე დაინტერესდა, რატომ არ გაასაჩივრა გადაწყვეტილება შალვა შავგულიძემ, რომელიც მოლაშვილის ოჯახის ინტერესებს იცავდა და ოჯახის ნდობით სარგებლობდა.
„ თქვენ იყავით მოლაშვილის ადვოკატი, იცავდით ოჯახის ინტერესს და სარგებლობდით ოჯახის ნდობით და შესაბამისად, დღეს ხართ იმ პარტიის წევრი, რომელსაც ადებდა ხელს სულხან მოლაშვილი. აქ არის ორი შემთხვევა. ერთი თუ ეს მართალი იყო, რასაც ადებდა ხელს, როგორ ფიქრობთ, ვთქვათ ეს ერთი საკითხი და მეორე მიგაჩნიათ თუ არა, რომ მოცემულ შემთხვევაში ბატონი სულხანი ცდებოდა და არასწორად ადებდა ხელს. საბოლოო ჯამში ყველა საქმეზე აღმოჩნდა, რომ მურუსიძის წინააღმდეგ მიდის ყველა კამპანია და მაინტერესებს, თქვენ როგორც ადვოკატი და ინტერესების დამცველი ბატონი სულხან მოლაშვილის, მისი განცხადება, რომ ის ციხეში დაექვემდებარა წამებას, მიგაჩნიათ სიმართლედ, თუ ის ამბობდა ტყუილს. მე თქვენი განცხადებაც მაქვს წაკითხული 2016 წელს თქვით, რომ როდესაც იცავდით მის ინტერესებს თქვენთვის ეს გვარები არ დაუსახელებია, მაგრამ ამ გვარებს ასახელებდა ის 2013 წელს და მემგონი უფრო მოგვიანებითაც. ამიტომ იქნებ მითხრათ ბატონო შალვა მოცემულ შემთხვევაში, ბატონი სულხან მოლაშვილი თავის პოზიციაში იყო მართალი? ჩვენ რომ შევხვდით. თქვენ ახსენეთ ორი წლის უკანაც ეს საკითხი, თქვენ წამოწიეთ, მე მახსოვს, მაშინაც საუბრობდით ამ თემაზე და მე მინდა გითხრათ, რომ ჩემი განაჩენი, რომელიც მე გამოვიტანე კანონიერ ძალაში, სხვათა შორის სტრასბურგის სასამართლოს გადაწყვეტილებაში მორიგებით დასრულდა, სახელმწიფო მოურიგდა. თქვენ მოგეცათ საშუალება ერთი წლის ვადა, რომ გაგესაჩივრებინათ ეს გადაწყვეტილება, რომელიც გამოვიტანე. ეს გადაწყვეტილება გასაჩივრებული არ ყოფილა ანუ ეს გადაწყვეტილება, რომელიც მე გამოვიტანე არის კანონიერ ძალაში. ეხლა, გავაგრძელებ, რაც შეეხება თქვენს შუამდგომლობებს არ უმსჯელია, არ უმსჯელია გასაგებია, რომ მპასუხობთ არ უმსჯელია, მაგრამ მე მიმაჩნდა რომ ის შუამდგომლობები, რომელიც თქვენ გქონდათ დაყენებული სასამართლოს არც უნდა ემსჯელა და ის მტკიცებულებები , მათ შორის ექსპერტიზის დასკვნებზეც ეხლა კიდე გეტყვით .
თქვენ ეხლა პოლიტიკაში შეხვედით და ზოგადად, მოლაშვილისა და გირგვლიანის საქმესთან დაკავშირებით. უბრალოდ ამ საკითხზე. რადგან ადამიანი არის გარდაცვლილი, ვერიდები საუბარს, მაგრამ რადგანაც ამ საქმესთან დაკავშირებით ჩემს მორალზე ლაპარაკობენ, მეც მინდა რაღაცნაირად ამ საქმესთან დაკავშირებით შეკითხვა დაგისვათ“ – განაცხადა ლევან მურუსიძემ.