პარტია „ერთიანი ნაციონალური მოძრაობის“ ერთ-ერთი ლიდერი, ნიკა მელია სააპელაციო სასამართლოში უკვე მივიდა. როგორც მან განაცხადა, მმართველი გუნდისთვის ის დაჭრილი მხეცია, რომელიც უფრო საშიშად გამოიყურება. მისივე თქმით, ხელისუფლებამ ვერ გათვალა ის შედეგი, რომ, შესაძლოა, იგი პატიმრობაში არ დაეტოვებინათ.
„მმართველი გუნდისთვის დაჭრილი მხეცი ვარ, რომელიც უფრო საშიშია. მე მათთვის ხომ კოლეგა აღარ ვარ. წარმოუდგენელი რამ გააკეთებინა ბიძინა ივანიშვილმა დეპუტატებს, რომელსაც ბევრი მათგანი ნანობს. მეც ვინანებდი მათ ადგილზე. ძალიან უნდოდათ, პატიმრობა დამდგარიყო. სიჩქარეში ვერ გათვალეს ბევრი რამ, ახლა არიან ჩიხში, მაგრამ ჩიხი ბევრად ღრმა არის, ვიდრე მათ ეგონათ”, – ამბობს მელია.
ცნობისათვის, სასამართლომ უნდა გადაწყვიტოს, საქალაქო სასამართლოს გადაწყვეტილებას ძალაში დატოვებს, რომელიც მიხედვითაც ნიკა მელიას გირაო შეეფარდა, თუ მას პატიმრობას მიუსჯიან.
ნიკა მელია: მმართველი გუნდისთვის დაჭრილი მხეცი ვარ, რომელიც უფრო საშიშია
2019/07/02 11:37:51
ნანახია: 947 ჯერ