სტრასბურგის სასამართლომ ტელეკომპანია „რუსთავი 2“-ის საქმეზე შეცდომა დაუშვა.
როგორც ჟურნალისტებს გოცირიძემ განუცხადა, არ არსებობს სასამართლო, რომელიც არ ცდება.
მისი თქმით, ევროსასამართლომ არ იმსჯელა ხარისხიანად, მხოლოდ ერთი მიმართულებით იმსჯელა და დანარჩენი საკითხები არ განიხილა.
„შეიძლება ჩავთვალოთ, რომ სტრასბურგის სასამართლოს დაუშვებელი შეცდომა მოუვიდა. ძალიან ძნელია რამე მოტივების თქმა. არის სხვადასხვა ქვეყნის მოსამართლე. მათ შორის, ერთ-ერთი მოსამართლეა, რომელსაც ამ ადამიანებთან მრავალთვიანი კონტაქტი ჰქონდა. ეს იყო ლადო ჭანტურია, რომელიც არის პირდაპირ ყურმოჭრილი ადამიანი, ივანიშვილის მიერ დანიშნული და პირდაპირ ხაზზე იყო თეა წულუკიანთან. ამ შემთხვევაში, ლადო ჭანტურიას როლი უკიდურესად ცუდი იყო, ტენდენციური მოსამართლე იყო. სტრასბურგის სასამართლო ძალიან ცუდად მოიქცა, რომ ლადო ჭანტურიას აცილება არ მისცა. თითოეული მოსამართლის ბიოგრაფია გავაანალიზეთ. მათ შორის, ერთ-ერთის, რომელიც კავკასიურ საკითხებში მუშაობდა, რომელსაც გარკვეული სიმპატიები ჰქონდა, არ დავასახელებ რომელი სახელმწიფოს მოსამართლეა“, – განაცხადა გოცირიძემ.