CNN-ის ინფორმაციით, ნორვეგიის არქიპელაგ შპიცბერგენზე ამ ზაფხულის განმავლობაში 200-ზე მეტი ჩრდილოეთის ირემი იპოვეს მკვდარი. მკვლევრებს მიაჩნიათ, რომ მათი სიკვდილის მიზეზი კლიმატის ცვლილებებია.
ნორვეგიელი მეცნიერების თქმით, ჩრდილოეთის ირმები სავარაუდოდ შიმშილისგან მოკვდნენ, რადგან გამოსაკვებად საძოვარი ვერ იპოვეს. როგორც სპეციალისტები ამბობენ, აქამდე არასდროს შეუმჩნევიათ ჩრდილოეთის ირმების ასეთი მასობრივი სიკვდილის შემთხვევები.
ექსპერტების განცხადებით, შპიცბერგენი კლიმატური კრიზისის წინაშეა. ეს იმიტომ, რომ არქტიკული დათბობა დაჩქარდა.
ჩრდილოეთის ირმების რაოდენობა მსოფლიოში 1990-იანი წლების შემდეგ 56%-ით არის შემცირებული.
კომენტარები