ინდონეზიის კუნძულ იავას სანაპიროსთან 6.9 მაგნიტუდის სიმძლავრის მიწისძვრა მოხდა. მიწისძვრის ეპიცენტრი ბანტენის პროვინციის სანაპიროდან 102 კილომეტრში, 53 კილომეტრის სიღრმეში მდებარეობდა.
ამასთან, ინდონეზიის კლიმატოლოგიის, მეტეოროლოგიის და გეოფიზიკის სამმართველოში აცხადებენ, რომ მიწისძვრა 7.4 მაგნიტუდის სიმძლავრის იყო.
მსხვერპლისა და ნგრევის შესახებ ინფორმაცია არ ვრცელდება.
ცუნამის საშიშროების გამო, მოსახლეობას სანაპირო ზოლის დატოვებისკენ მოუწოდეს. ხელისუფლებამ ადგილობრივები გააფრთხილა, რომ მიწისძვრის გამო ტალღების სიმაღლე სამ მეტრს მიაღწევს.
კომენტარები