სალომე ზურაბიშვილი შვებულებაში იყო და დასვენების ადგილიდან აგრძელებდა მუშაობას, – ამის შესახებ საქართველოს პრეზიდენტის ადმინისტრაციაში აცხადებენ.
„პრეზიდენტი თავის შვილებთან ერთად ქალაქგარეთ იყო გასული. ის, როგორც მისი კოლეგა პრეზიდენტები, დასვენების ადგილიდან აგრძელებდა მუშაობას, კონტაქტში იყო თავის ადმინისტრაციასთან, საგარეო და შინაგან საქმეთა უწყებებთან და თავის უცხოელ კოლეგებთან.
მოგეხსენებათ, თანამედროვე საკომუნიკაციო საშუალებებით ეს შესაძლებელია“, – აცხადებენ საქართველოს პრეზიდენტის ადმინისტრაციაში.
სოციალურ ქსელებში განხილვის საგანი იყო საქართველოს პრეზიდენტის შვებულება, რომლის ლოპოტის ტბაზე გადაღებული ფოტოებიც ვრცელდებოდა.
კომენტარები