ჩვენ ვიცოდით, რომ მაკო გომურის მხრიდან მომართვა არ ყოფილა საშვის დაშვებაზე, – ამის შესახებ ჟურნალისტებს საპარლამენტო უმრავლესობის ლიდერმა გია ვოლსკიმ განუცხადა. მისივე თქმით, მას გომურთან დაკავშირებით ემოციური დამოკიდებულება აქვს და მისი გვარის გამოყენებას პოლიტიკური ინტერესებისთვის არ აპირებს.
„რომ არა ჟურნალისტების კითხვა ამ თემის გამოყენებას არ ვაპირებდი, ვინაიდან ჩემი დამოკიდებულება მაქვს ამ ახალგაზდა ადამიანის მიმართ, უფრო ემოციური, ვიდრე პრაქტიკული აუცილებლობიდან გამომდინარე, რომ ეს თემა გამოვიყენო ოპოზიციის წინააღმდეგ. ეს არის ძალიან მავნებლური სექტანტიზმის გამოვლინება, როდესაც ადამიანს იყენებენ საკუთარი პოლიტიკური მიზნებისთვის. გამორიცხულია, რომ მე პირადად ამის თაობაზე რამე მეთქვა და ამ ადამიანის სახელი გამომეყენებინა ჩვენი ოპოზიციის წინააღმდეგ, რომ არა ეს უზნეო და მავნებლური შემოტევა ამ ადამიანის გვარის გამოყენებით”, -განაცხადა ვოლსკიმ.