„პატრიოტთა ალიანსის“ ლიდერი ირმა ინაშვილი ხელისუფლებას კასრების კადრების საზოგადოებისთვის ჩვენებისკენ მოუწოდებს.
ირმა ინაშვილი აცხადებს, რომ სამეგრელოს სამალავებში აღმოჩენილი კადრები განსაკუთრებით ახალ თაობას უნდა აჩვენონ.
“ბატონ ირაკლის კარგად ახსოვს კასრების კადრების პრეზენტაცია. იქ რამდენიმე ჟურნალისტმა ვერ გაუძლო ამის ყურებას და თუ გახსოვთ, დარბაზი დატოვეს. სად არის ეს კადრები, ამოვიღოთ და ვაჩვენოთ, რომ გამოიღვიძონ და იმ თაობას ვაჩვენოთ, ამ შვიდი წლის განმავლობაში გაზრდილ თაობას, რომელსაც აღარ ახსოვს, რა ხდებოდა, როგორ აღმოაჩინეთ სამეგრელოში ის კადრები და რა სადიზმს ჰქონდა ადგილი. არავის შეუწუხდება გული, იქ რამდენიმე ჟურნალისტი საუბრობდა იმაზე, რომ ეს შეაშინებს საზოგადოებას, დაიწყება ვნებათაღელვა. არაფერი ვნებათაღელვა არ დაიწყება საზოგადოებაში, უნდა ნახოს ხალხმა, რა სადისტურ რეჟიმთან გვქონდა საქმე“, – განაცხადა ირმა ინაშვილმა.
ინაშვილის თქმით, პოლიტიკური ნების საკითხი არის სამართლიანობის აღდგენა.