საპარლამენტო უმრავლესობის ლიდერი მამუკა მდინარაძე აცხადებს, რომ საკანონმდებლო ორგანოს და მის წევრებს მუშაობის საშუალება უნდა მიეცეთ.
ამასთან, მდინარაძე სამართალდამცველებს მოუწოდებს იმოქმედონ მაქსიმალური სიფრთხილით, რომ ადამიანებს ჯანმრთელობასთან დაკავშირებით საფრთხე არ შეექმნათ.
“თუ დაარღვევენ კანონს ადამიანები, რომლებიც პროტესტს გამოხატავენ,სახელმწიფო ადეკვატურად იმოქმედებს. მოვუწოდებთ სამართალდამცავ ორგანოებს იმოქმედონ მაქსიმალური სიფრთხილით, რომ ადამიანების ჯანმრთელობასაც გავუფრთხილდეთ, ეს არის ჩვენი ვალი და უნდა გამოვიდეთ ჰუმანურობის პრინციპიდან. მეორე მხრივ, ვალდებულია სამართალდამცავი ორგანო არ დაუშვას სახელმწიფო ინსტიტუტის საკანონმდებლო ორგანოს ბლოკირება. სამართალდამცავი ორგანოები კანონის შესაბამისად მოქმედებენ, საქართველოს პარლამენტს და მის წევრებს მუშაობის საშუალება უნდა მიეცეს”,-განაცხადა მდინარაძემ.