საქართველოს კონსტიტუციური წყობილების ძალადობით შეცვლისაკენ ან სახელმწიფო ხელისუფლების დამხობისკენ საქვეყნოდ მოწოდება ისჯება თავისუფლების აღკვეთით, ვადით სამ წლამდე,- ამის შესახებ ანალიტიკოსი გია აბაშიძე სოციალურ ქსელში წერს და ნიკა გვარამიას ეხმიანება, რომელმაც ბიძინა ივანიშვილს უზურპატორი უწოდა და განაცხადა რომ უზურპატორი უნდა დაემხოს.
„საქართველოს სისხლის სამართლის კოდექსი, მუხლი 317. საქართველოს კონსტიტუციური წყობილების ძალადობით შეცვლისაკენ ან სახელმწიფო ხელისუფლების დამხობისკენ საქვეყნოდ მოწოდება საქართველოს კონსტიტუციური წყობილების ძალადობით შეცვლისაკენ ან სახელმწიფო ხელისუფლების დამხობისკენ, ანდა ასეთი მოწოდების შემცველი მასალის გავრცელება, აგრეთვე ამავე მიზნით შეიარაღებისკენ მოწოდება, – ისჯება თავისუფლების აღკვეთით ვადით სამ წლამდე”,– წერს გია აბაშიძე.