თინა ხიდაშელი პაატა ბურჭულაძეს აკრიტიკებს

საქართველოს თავდაცვის ყოფილი თავდაცვის მინისტრი, „რესპუბლიკური პარტიის“ ზესტაფონის მაჟორიტარობის კანდიდატი თინა ხიდაშელი პაატა ბურჭულაძის სოციალურ პოლიტიკას აკრიტიკებს.
როგორც ხიდაშელმა განაცხადა, დაუშვებელია, პოლიტიკური პარტია ადამიანებს ჰპირდებოდეს სოციალური დახმარების მომხმარებელთა რაოდენობის ზრდას.
„ჩვენი – ყველას ამოცანაა, ამომრჩეველს შევთავაზოთ რაც შეიძლება მეტი დასაქმების პროგრამა, მეტი შესაძლებლობა, რომ მეტ ადამიანს გაუჩნდეს ქვეყანაში შემოსავალი. სოციალური დახმარება ეს არის ყველაზე უფრო უკიდურესი ფორმა ადამიანის ცხოვრების, ესე იგი, არის უკიდურესად ღარიბი, ასეთ შემთხვევაში, ის ითხოვს სოციალურ დახამრებას“, – აღნიშნა ხიდაშელმა.
მისი შეფასებით, მსგავსი შინაარსის განცხადებებს პოლიტიკური პარტიები არ უნდა აკეთებდნენ.
„ეს განცხადება არის სირცხვილი. ასეთ განცხადებებს პოლიტიკური პარტიები არ უნდა აკეთებდნენ. ის ნამდვილად რეკორდსმენია 25-წლიან ქართულ პოლიტიკურ ისტორიაში. ასეთი რამ რომ გაგაღარიბებს, არცერთი პოლიტიკური პარტია არ შეპირებია არავის“, – განაცხადა თინა ხიდაშელმა.
”სახელმწიფო ხალხისთვის” ლიდერი პაატა ბურჭულაძე ხელისუფლებაში მოსვლის შემთხვევაში, სოციალურად დაუცველის სტატუსის მატარებელთა რაოდენობის მილიონამდე გაზრდას გეგმავს. შესაბამისი განცხადება ბურჭულაძემ განმუხურში გააკეთა, სადაც დასავლეთ საქართველოში მაჟორიტარობის კანდიდატები წარადგინა.