ფინანსთა მინისტრის, ივანე მაჭავარიანის განცხადებით, მთავრობას აქვს გეგმა, როგორ უნდა დაეხმარონ ეკონომიკას, თუმცა ეს გეგმები ჯერ დამტკიცებული არ არის. რაც შეეხება ლარის კურსს – მაჭავარიანის განმარტებით, სიტუაციის დასტაბილურებამდე ლარის კურსს დააკვირდებიან, რა წონასწორულ ნიშნულს მიაღწევს.
„ლარზე ბევრს ვერაფერს ვიტყვი. ფაქტია, რომ შოკია მსოფლიოში და ჩვეულებრივი რეაქციაა. იცით, რა ხდებოდა რუსეთში: იცით, რა ხდება ზოგადად მსოფლიოში, ამიტომ დღეების მიხედვით ლარის კურსზე საუბარი არ იქნება სწორი. ცოტა უნდა დასტაბილურდეს სიტუაცია როგორც მსოფლიოში, ასევე – ჩვენთან. შევხედავთ, რა წონასწორულ ნიშნულს მიაღწევს, ამიტომ ამაზე საუბარი არავისგან იქნება სწორი“, – განაცხადა მაჭავარიანმა.
მაჭავარიანის მოსაზრებით, რა ხანგრძლივობისა და სიმძიმის იქნება კორონავირუსის ეს პანდემია, ამ ეტაპზე, ეს არის გადამწყვეტი“.