საშიშია ისეთი ექიმების ხელში ჩავარდნა რომლებიც მეცნიერებას არ სცნობენ, გაიძახიან, რომ „ყველაფერი უფლის ნებაა“, – ამის შესახებ „ტაბულას“ დირექტორმა თამარ ჩერგოლეიშვილმა სოციალურ ქსელში დაწერა.
„ჩემი დიდი თხოვნაა, თუ კორონავირუსი შემეყარა და შემთხვევით მე არ ვარ აქტიური – არ დამანახოთ მარინა ეზუგბაია, ან რომელიმე მსგავსი არაპროფესიონალი მჩხიბავი.
ისეთ ექიმთან წამიყვანეთ, რომელიც საკუთარ პროფესიას პატივს სცემს, სიმართლის თქმა არ ეშინია და პაციენტებს არ ავნებს.
საშიშია ისეთი ექიმების ხელში ჩავარდნა რომლებიც მეცნიერებას არ სცნობენ, გაიძახიან, რომ „ყველაფერი უფლის ნებაა”. ძალიან საშიში.
მოკლედ ამ „გმირებიდან“ არც ერთი. ჩვეულებრივი მოკვდავი ექიმი მინდა, ინგლისური რომ იცის, თანამედროვე ინფორმაციას პირველწყაროდან აგროვებს და სიმართლეს ცალსახად მეტყვის“, – წერს ჩერგოლეიშვილი.