თბილისის პირველი საუნივერსიტეტო კლინიკის ინფორმაციით, კლინიკაში კიდევ 3 პაციენტი გამოჯანმრთელდა. ინფორმაციას საუნივერსიტეტო კლინიკა Facebook-ზე ავრცელებს.
„26 მაისის მონაცემებით ჩვენს კლინიკაში სულ მოთავსებულია 14 პაციენტი, აქედან კოვიდინფიცირებულია 6 პაციენტი. რეანიმაციის მიმართულებაში მკურნალობას გადის 1 პაციენტი. თერაპიულ მიმართულებაში მოთავსებულია 13 პაციენტი, გამოჯანმრთელდა 3 პაციენტი”, – წერია განცხადებაში.
ქვეყანაში კორონავირუსი 732 ადამიანს დაუდასტურდა, აქედან 537 უკვე გამოჯანმრთელდა. საქართველოში კორონავირუსით გარდაიცვალა 12 ადამიანი. კარანტინის რეჟიმში 3076 ადამიანი რჩება, სტაციონარში მეთვალყურეობის ქვეშ კი – 300.
კომენტარები