დედოფლისწყაროს სოფელ გამარჯვების საკრებულოს დეპუტატის გია ჭინჭარაულის მიერ დაჭრილი ორი მამაკაცის მდგომარეობა მძიმეა.
ექიმის განცხადებით, დაჭრილი პაციენტების სასიცოცხლო ორგანოებია დაზიანებული და ერთ-ერთი დაჭრილი თბილისის სპეციალურ კლინიკაში გადაიყვანეს.
“რეანიმაციულ განყოფილებაში დედოფლისწყაროდან შემოყანილია 1 პაციენტი, 23 წლის ახალგაზრდა. გულმკერდსა და მუცლის ღრუში შემავალი ნაკვეთი ჭრილობით. იმყოფება მართვით სუნთქვაზე. ამ ეტაპისთვის, ზოგადი მდგომარეობა შედარებით სტაბილურია. მიმდინარეობს მკურნალობა,” – განაცხადა რეანიმატოლოგ-ანესთეზიოლოგმა მარიამ ქენქაძემ.
ადგილობრივების ინფორმაციით, სავარაუდოდ, ნასვამ მდგომარეობაში მყოფი ძმები ფიზიკურად გაუსწორდნენ საკრებულოს დეპუტატს.
შემთხვევა სოფლის ცენტრში მოხდა. გია ჭინჭარაულმა, მის მოგვარე ძმებს ჭრილობები, გულ-მკერდის და მუცლის არეში მიაყენა.
ცოტა ხნის წინ, შინაგან საქმეთა სამინისტრომ მომხთართან დაკავშირებით განცხადება გაავრცელა. უწყების ცნობით, სამართალდამცველებმა ბრალდებული მომხდარიდან მალევე დააკავეს.
მომხდართან დაკავშირებით, გამოძიება სსკ-ის 117-ე მუხლის მე-7 ნაწილის „ა“ ქვეპუნქტით მიმდინარეობს.