“ის, რომ ბოლო დღეებში კორონავირუსის მხოლოდ თითო-ოროლა შემთხვევა ვლინდება ძალიან კარგია, მაგრამ დამშვიდების საფუძველს არ გვაძლევს, რადგან სამწუხაროდ, კორონა არსად გამქრალა”, – ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ განაცხადა.
მისივე თქმით, ნიღბის ტარება და ფიზიკური დისტანცირება კვლავ მნიშვნელოვანია.
“მაქსიმალურად უნდა ვიყოთ მობილიზებულები იმისათვის, რომ ყველანაირი რისკების სამართავად მზად ვიყოთ. ის, რომ ბოლო დღეებში მხოლოდ თითო-ოროლა შემთხვევა ვლინდება ძალიან კარგია, მაგრამ დამშვიდების საფუძველს არ გვაძლევს, რადგან სამწუხაროდ, კორონა არსად არ გამქრალა, ჩვენს გვერდით არის ისევ. ვხედავთ, ჩვენს მეზობელ სახელმწიფოებში რა ხდება, ამიტომ ყველანი ისევ და ისევ ფრთხილად უნდა ვიყოთ. განსაკუთრებით ეს ეხება, საზოგადოებრივი თავშეყრის ადგილებში იმ წესების დაცვას, რომელიც არის აუცილებელი, პირველ რიგში ეს ეხება ნიღბების ტარებას და მაქსიმალური ფიზიკური დისტანცირების დაცვას”, – განაცხადა იმნაძემ.